Triangle(-di-làrgi-fru)
Bolboschoenus laticarpus
Cyperaceae
Àutri noum : Liandro, Triangle.
Noms en français : Scirpe à fruits larges, Souchet à fruits larges.
Descripcioun :Aquéu triangle dóu gènre Bolboschoenus (planto nousado emé de lòngui fueio) trachis dins li canau, roubino e li limoun de ribiero. Fai gaire qu'es esta destria dóu triangle-marin en raport emé la formo de la grano qu'es eici mai larjo. Subretout vèn pas dins li relarg mounte i'a de sau au contro dóu marin. Lis espigo soun mai longo eici. Èi pu tihous de faire la diferènci emé Bolboschoenus glaucus ; pèr acò fau regarda la formo de la grano e l'espessour de l'"exocarpus" (pu grando eici). Coumpara emé lou triangle-verdau que ié sèmblo proun.
Usanço :Se pòu gaubeja pèr la banastarié, mai avèn ges d'entresigne precis. Escriéure au site se n'en sabès mai. Li canard e lis auco manjon si boudougno.
Port : Grando erbo
Taio : 1 à 2 m
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Bolboschoenus
Famiho : Cyperaceae
Ordre : Poales
Coulour de la flour :
Brunello
Petalo : ges
Ø (o loungour) enflourejado : 1 à 4 cm
Flourido : Printèms
- Estiéu
Sòu : Ca
Autour basso e auto : 0 à 900 m
Aparado : Noun
Mai à setèmbre
Liò : Ribiero
- Roubino
- Canau
Estànci : Termoumediterran à Mesoumediterran
Couroulougi : Paleousubretroupicalo
Ref. sc. : Bolboschoenus laticarpus Marhold, Hroudová, Duchácek & Zákr
Moufeto
Cynosurus cristatus
Poaceae Graminaceae
Autre noum : Fen-sóuvage.
Nom en français : Crételle.
Descripcioun :La moufeto es uno erbo renadivo que trachis dins li prado umido e li pelouso, pulèu en mountagno. Se recounèis à sa longo enflourejado en formo d'espigo. Li lemma soun courtamen aristado e la ligulo courto.
Usanço :Es uno bono erbo pasturiero.
Port : Erbo
Taio : 15 à 75 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo
Gènre : Cynosurus
Famiho : Poaceae
Famiho classico : Graminaceae
Ordre : Poales
Coulour de la flour :
Verdo
Petalo : ges
Ø (o loungour) enflourejado : 2 à 7 cm
Flourido : Printèms
- Estiéu
Sòu : Ca
Autour basso e auto : 0 à 2200 m
Aparado : Noun
Jun à avoust
Liò : Prado umido
- Pelouso
Estànci : Mesoumediterran à Subaupen
Couroulougi : Éuroupenco-caucasiano
Ref. sc. : Cynosurus cristatus L., 1753
